اسلام آباد۔31مارچ (اے پی پی) سکیورٹی فورسز دا بلوچستان دے علاقے سبی اچ انٹیلی جنس بیسڈ آپریشن ،3 دہشت گرد ماریے ڳے۔ آئی ایس پی آر موجب 30 مارچ 2023 توں سبی دے جنوبی علاقے نوشمان اچ دہشت گرداں دے ہک گروپ کوں روکݨ کیتے انٹیلی جنس تے مبنی آپریشن( آئی بی او) شروع کیتا ڳیا۔ دہشت گرداں دا تعلق علاقے اچ شہریاں کوں نشانہ ٻݨاوݨ دے علاوہ کوئلہ کان دے مالکاں کوں ہراساں کرݨ ہئی۔ مصدقہ اطلاعات دی بنیاد تے گزریل ݙو ݙینھ توں دہشت گرداں ولوں آوݨ آلے علاقے اچ مختلف رستیاں تے گھات لاتے ٻیٹھے ہن۔ ترائے دہشت گرداں دی ہک پارٹی کوں انہاں دے ٹکاݨے آلے پاسے ویندے روک ڳھدا۔ روکݨ تے انہاں سکیورٹی فورسز تے فائرنگ کر ݙتی۔ شدید فائرنگ پاروں ہک دہشت گردا ہلاک اتے ݙو زخمی تھیے۔ اسلحہ اتے بارود دا ذخیرہ وی برآمد کر ڳھدا ڳیا۔
