اسلام آباد۔4مئی(اے پی پی):وفاقی وزیر تجارت سید نوید قمر نال سعودی عرب کیتے نامزد سفیر احمد فاروق خمیس کوں اتھاں ملاقات کیتی۔ ملاقات اچ ݙوہیں ملکاں وچال تجارتی تعلقات ودھاوݨ دے امور تے ڳالھ مہاڑ کیتی ڳئی ۔ ایں موقع تے وفاقی وزیر سعودی عرب کوں پاکستانی برآمدات ودھاوݨ کیتے زراعت اتے ٹیکنالوجی دے شعبے اچ جارحانہ مارکیٹنگ دی لوڑھ تے زور ݙتا۔ انہاں آکھیے پاکستان اچ سعودی عرب کوں زرعی مصنوعات اتے ٹیکنالوجی برآمد کرݨ دی بے پناہ صلاحیت اے تے ݙوہیں ملکاں کوں تعاون دے نویں شعبیں دی نشاندہی کیتے رل تے کم کرݨ دی لوڑھ اے ۔ سید نوید قمر نامزد سفیر کوں ایں سلسلے اچ آپݨے مکمل تعاون دا یقین ݙیوائے ۔ ایں موقع تے نامزد سفیر احمد فاروق تجارتی تعلقات کوں بہتر بݨاوݨ کیتے سید نوید قمر دی کوششاں دی تعریف کیتی تے سرمایہ کاری دے مزید مواقع تلاش کرݨ کیتے وزارت تجارت نال رل تے کم کرݨ دی خواہش دا اظہار کیتے۔ملاقات اچ ݙوہیں فریقین تجارت اتے سرمایہ کاری دے شعبے اچ پاکستان اتے سعودی عرب دے درمیان ݙوطرفہ تعلقات کوں مضبوط بݨاوݨ دے عزم دا اظہار کیتے۔
.jpg)
.jpg)
