لاہور۔10نومبر(اے پی پی) وفاقی وزیر اطلاعات و نشریات عطااللہ تارڑ گزریل ݙینھ آپݨے حلقے این اے 127 اچ مصروف ݙینھ گزاریا۔ وفاقی وزیر جوہرٹاون اچ لیگی رہنما سہیل ستار دے پُتر دی دعوت ولیمہ اچ ڳئن تے انھاں کوں پُتر دی شادی دی مبارخ ݙتی ۔ انہاں نویں جوڑے سانڳے نیک تمناواں دا اظہار کیتا تے انھاں نال گروپ فوٹو وی بݨوائی۔ ایں توں بود او یو سی 239 ٹاؤن شپ اچ سعدیہ ملک دے گھر ڳئن انھاں دی والدہ دے انتقال تے تعزیت کیتی ۔ انھاں دعا کیتی جو اللہ تعالی مرحومہ کوں اپݨے جوار رحمت اچ جاہ ݙیوٖے تے لواحقین کوں صبر ݙیوے ۔ ایں موقع تے اشفاق جٹ ،اسلم چوہدری تے ٻئے وی موجود ہن ۔ بعداچ وفاقی وزیر اطلاعات و نشریات ٹاون شپ دی گراونڈ اچ فٹبال میچ ݙیکھݨ ڳئے جتھاں انھاں دا شاندار استقبال کیتا ڳیا پُھلائے دے ہار پوائے ڳئے ۔ وفاقی وزیر ݙوہیں ٹیماں دے کھلاڑیاں نال ہتھ ملائے تے انہاں دی حوصلہ افزائی کیتی ۔ انھاں ڈی جی پی ایچ اے کوں پارک اچ ضروری سہولتاں ݙیوݨ سانڳے احکامات جاری کیتے ۔ایندے بعد وفاقی وزیر یو سی 233 اچ شہباز جعفری دی رہائش گاہ پُڄے جتھاں انھاں انہاں دی والدہ سانڳے فاتحہ پڑھی تے انھاں دے اُچے درجات تے وارثاں سانڳے صبر دی دعا وی منڳی ۔ ایں موقع تے سید عمران شاہ۔ آصف شاہ، محمد اقبال تے ٻئے لوک وی موجود ہن ۔وفاقی وزیر اطلاعت و نشریات عطا اللہ تارڑ چھیکڑ اچ میڈیا اینکر پرسن پاکستان ٹیلی ویژن عمر اسلم دے بھرا دی دعوت ولیمہ اچ شرکت کیتی تے نویں جوڑے سانڳے نیک تمناواں دا اظہار کیتے تے گروپ فوٹو بݨوائی۔ایں موقع تے انہاں سیاسی و سماجی شخصیات نال ملاقات وی کیتی
