اسلام آباد ۔ 12 مارچ (اے پی پی)جرمنی ب??ارتی پائلٹ دی وختی رہائی، وزیر اعظم عمران خان دی ب??ارت کوں گالھ مہاڑ دی پیشکش اتے افغانستان اچ امن و استحکام بحالی دی کوششاں اچ پاکستان دے کرداردی تعریف کیتی ہے ،جرمنی آکھیے جوتجارت معیشت اتے تعلیم دے شعبیں اچ ڈو طرفہ تعاون جاری رکھیسوں، ودھ ساریاں جرمن کمپنیاں پاکستان اچ سرمایہ کاری دا ارادہ رکھیندن۔ایہ گالھیں جرمنی دے وزیر خارجہ ہائیکو ماس منگل کوں اتھاں اپنڑے پاکستانی ہم منصب شاہ محمود قریشی نال ملاقات دے بعد سانجھی پریس کانفرس نال خطاب کریندے ہوئیں آکھی۔ وزیرخارجہ شاہ محمود قریشی ایں موقع تے آکھیا جو خطے اچ امن و استحکام سانگے کشمیر دے جھیڑے دا حل ناگزیر ہے، پاکستان کڈاہیں وی مذاکرات توںنی ب??جیا، دہشت گردی علاقائی اتے بین الاقوامی چیلنج ہے، موجودہ حکومت دہشت گردی کوں م??ڈھ??ں مکاونڑ سانگے نیشنل ایکش پلان تے عملدرآمد سانگے اقدامات کریندی پئی ہے۔ انہاں آکھیا جو جرمنی پاکستان دا یار ملک ہے، اساں تجارت، معیشت اتے تعلیم دے شعبیں اچ ڈو طرفہ تعاون جاری رکھیسوں ،جیندی مدد نال ڈوہائیں ملکاں وچال تعلقات بئے پکا تھیسن۔جرمن وزیر خارجہ پاک بھارت کشیدگی کو ں گھٹاونڑ سانگے پاکستان دی کوششاں دی تعریف کریندے ہوئیں آکھیا جو بھارت نا ل وی رابطے ??چ ہسے اتے اساڈی کوشش ہے جوا یہ کشیدگی گھٹ تھیوے ۔
