اسلام آباد۔4جنوری(اے پی پی)وفاقی وزیر خزانہ اسحاق ڈار پاکستان تحریک انصاف ولوں پاکستان دی معاشی صورت حال تے ݙت?? ڳئے وائٹ پیپر کوں گمراہ کن، کوڑا، بے بنیاد اتے حقائق دے برعکس قرار ݙیندے آکھیے جو حکومت معاشی استحکام دے رستے تے ٹردی پئی اے، اقتصادی اشاریے مثبت ہین، ایں سال جولائی توں نومبر تئیں حسابات جاریہ دے کھاتیاں دے خسارہ اچ 57 فیصد اتے تجارتی خسارہ اچ 26.2 فیصد کمی تھئی اے، یقین اے جو پاکستان ڈیفالٹ نہ کریسی، پی ٹی آئی دی ڈیفالٹ دی گردان ملکی مفاد دے خلاف اے، بین الاقوامی ابتر اقتصادی صورتحال اتے تباہ کن سیلاب دے باوجود پاکستان دے ویلیو ایڈڈ شعبے مثبت اتے قابل اطمینان نمو ݙیندے پن، حکومت کسان پیکیج، انڈسٹریل سپورٹ پیکیج اتے برآمدات ودھاوݨ کیتے اقدامات سودھا زرعی و صنعتی شعبیاں دی ترقی لو تیکھا کم کیتے جیندے تیکھے اثرات سامݨے آسن۔ اے ڳالھ انہاں اسلام آباد اچ کابینہ دے ارکان وفاقی وزیر منصوبہ بندی و ترقی احسن اقبال، وفاقی وزیر بجلی خرم دستگیر، وفاقی وزیر اقتصادی امور ایاز صادق، وفاقی وزیر اطلاعات و نشریات مریم او??نگ??یب اتے وزیر مملکت برائے خزانہ عائشہ غوث بخش نال پریس کانفرنس اچ آکھی۔ انہاں پی ٹی آئی دے وائت پیپر دے ولدے اچ میڈیا کؤں بریفنگ ڈتی۔ انہاں آکھیا جو وائٹ پیپر اچ اقتصادی حقائق مسخ کرݨ دی کوشش کیتی اےے، مخصوص، غلط اتے بے بنیاد اقتصادی اشاریے پیش کر تے عوام کوں گمراہ کرݨ دی ناکام کوشش کیتی اے، حالانکہ اپریل 2022ء اچ اڄوکی حکومت آوݨ تے ساکوں پی ٹی آئی دے چار سالہ بری اقتصادی انتظام دی صورتحال دا سامݨا ھا جیندے اثرات ساݙی معشیت حالی جھلیندی پئی اے، پورے ڄڳ اچ مہانق اتے کساد بازاری اے جیندا اثر پاکستان تے وی ہے، سیلاب، کرونا اتے ٻعے حالات کوں وی ݙیکھݨا چاہیدا ہا، آئی ای?? ایف دے اقتصادی اثرات وی اوکھے ہین، مسلم لیگ ن ہک خوشحال اتے ترقی کریندا پاکستان چھؤر ت?? ڳئی ہئی جیکوں 4 سال پی ٹی آئی حکومت اپݨی نااہلی نال برباد کیتے جو اڄ ملک سنٻھلݨ اوکھا اے، پاکستان بیورو برائے شماریات دے مطابق مارچ توں دسمبر تئیں اٹے دی قیمت 33 فیصد، کوکنگ آئل 21 فیصد، مورھی دال 19.5 فیصد، دال ماش 35.8 فیصد، دال چݨا 36.8 فیصد، ٹماٹر 13.7 فیصد، پٹرول 47.2 فیصد اتے بناسپتی گھیو 14.9 فیصد ودھین۔ انہاں آکھیا جو ملک اچ بے روزگاری دی شرح ودھݨ دا وی کوڑا اے، پی ٹی آئی مہنگائی بارے وی لوکاں کوں گمراہ کرݨ دی کوشش کیتی اے، حقیقت اچ بین الاقوامی منڈیاں اچ یوکرین جنگ اتے ٻیاں وجوہات نال اشیاء ضروریہ دی قیمتاں ودھن، ڈالر دے ودھݨ روپے دی قدر ڳھتݨ دا وی مہانگ تے اثر پئے، حکومت افراط زر تے قابو پاوݨ کیتے پالیسی، انتظامی و ریلیف اقدامات کریندی پئی اے، جاری مالی سال دے پہلے 5 مہینے تجارتی خسارہ 26 فیصد ڳھٹیے، حسابات جاریہ دے کھاتے بہتر تھیندے پن جیندے اچ 5 مہینے اچ 57 فیصد کمی تھئی اے۔ بین الاقوامی ابتر اقتصادی صورتحال و تباہ کن سیلاب دے باوجود پاکستان دے ویلیو ایڈڈ شعبہ جات مثبت و قابل اطمینان نمو ݙیکھیندے پن، حکومت کسان پیکیج، انڈسٹریل سپورٹ پیکیج اتے برآمدات ودھاوݨ کیتے اقدامات سودھا زرعی و صنعتی شعبیاں دی ترقی کیتے مختلف اقدامات کیتن جیندے تیکھے چنڳے اثرات پوسن۔
.jpg)
.jpg)