اسلام آباد۔18اکتوبر (اے پی پی) وزیر خارجہ جلیل عباس جیلانی بدھ کوں جدہ اچ اسلامی تعاون تنظیم دی ایگزیکٹو کمیٹی دے ہنگامی وزارتی اجلاس اچ پاکستانی وفد دی قیادت کیتی۔ دفتر خارجہ دی ترجمان توں جاری بیان موجب اے اجلاس پاکستان اتے سعود?? عرب سانجھے طور سݙیا ہئی جئیں اچ غزہ اتے اتھ محصور شہریاں دی انسانی صورتحال تے ڳالھ کیتی ڳئی۔ آپݨے بیان اچ وزیر خارجہ غزہ تے اسرائیلی جارحیت اتے غیر انسا??ی ناکہ بندی دی شدید مذمت کیتی جئیں پاروں ہلاکتاں، تباہی اتے لوک بے گھر تھین۔ انہاں گزریل ݙینھ غزہ دے ہک ہس??تال تے اسرائیلی حملے اچ بے گناہ شہریاں دے قتل عام دی مذمت کیتی اے۔ وزیرخارجہ زور ݙتا جو اسرائیل کوں فو??ی جنگ بندی، غزہ دا محاصرہ ختم کرݨ اتے فلسطینیاں کوں انہاں دے گھر توں جبری کݙھݨ نال دہشت گردی دی مہم فوری ختم کرݨی چاہیدی اے۔ ایں موقع تے وزیر خارجہ گیمبیا، ایران، کویت، سعود?? عرب اتے ترکیہ دے وزراء خارجہ نال وی ملاقاتاں کیتی۔
