اسلام آباد۔23 جولائی (اے پی پی) وفاقی وزیر اقتصادی امور احد خان چیمہ نال مشرق وسطیٰ، شمالی افریقہ، افغانست??ن اتے پاکستان (ایم ای این اے اے پی) ریجن کیتے عالمی بینک دے نائب صدر عثمان ڈیون ملاقات کیتی۔ ترجمان وزارت اقتصادی امور ڈویژن موجب ملاقات اچ پاکست??ن اتے عالمی بینک وچال کنٹری شراکت داری فریم ورک (سی پی ایف) تے تفصیلی ڳالھ مہاڑ تھئی۔ وفاقی وزیر احد چیمہ پاکستان کوں مشرق وسطیٰ، شمالی افریقہ اتے افغانستان ریجن اچ شامل کیتے ونڄݨ کوں عالمی بینک دا ہک مثبت اتے ویلھے تے فیصلہ قرار ݙتا۔ احد چیمہ ایں ڳالھ تے زور ݙتا جو سی پی ایف تے عملدرآمد کیتے جامع اتے مربوط حکمت عملی اپنائی ویسی۔ انہاں ݙسیا جو عالمی بینک دا کنٹری آفس حکومت پاکستان دے نال مکمل تعاون کریندا پئے اتے معاشی اصلاحات اچ عالمی بینک دا کردار قابل تعریف اے۔ ??نہاں عالمی بینک دی قیادت دی غیر متزلزل سپورٹ تے اظہار تشکر کریندے آکھیا جو وفاقی حکومت صوبائی حکومتاں دے نال رل تے سی پی ایف دے مؤثر نفاذ کیتے پرعزم اے۔ ??المی بینک دے نائب صدر عثمان ڈیون ایں موقع تے آکھیا جو عالمی بینک پاکست??ن اچ اقتصادی اصلاحات اتے ترقیاتی منصوبیں اچ مکمل معاونت جاری رکھیسی۔ انہاں سی پی ایف اتے ٻئے معاشی اقدامات اچ حکومت پاکستان دیاں کوششاں دی تعریف کیتی۔
