اسلام آباد۔8اپریل(اے پی پی)وفاقی وزیر صحت مصطفیٰ کمال آکھیے پاکستان اچ ودھدی آبادی اتے صحت دے بنیادی ڈھانچے دی محدود دستیابی پاروں ٹیلی میڈیسن ناگزیر اے۔ وزارت صحت تں جاری بیان موجب اے ڳالھ انہاں وفاقی وزیر آئی ٹی شزا فاطمہ خواجہ کوں آکھی ۔ملاقات اچ ݙوہیں وزرا صحت دے شعبے اچ آئی ٹی دے فروغ تے سانجھے تعاون تے تفصیلی ڳالھ مہاڑ کیتی ۔ ایں موقع تے انہاں آکھیے ڈاکٹرز اتے دوا عوام دے دورازے تے گھن آسوں ۔ پاکستان اچ ودھدی آبادی اتے صحت دے بنیادی ڈھانچے دی محدود دستیابی پاروں ٹیلی میڈیسن ھک ناگزیر حل بݨدا ویندے ۔علاج دیاں سہولتاں عوام تئیں پڄاوݨ سانڳے ٹیلی میڈیسن اہم ذریعہ اے۔ جدید ٹیکنالوجی توں مریض گھر ٻیٹھے ماہر ڈاکٹراں توں مشورہ گھن سڳدن ۔ بنیادی مرکز صحت نہ ہووݨ پاروں لوک وݙے ہسپتالاں دا رُخ کریندن ۔ وݙے ہسپتالاں اچ سترفی ص?? اولوک آندن جنھاں کوں بنیادی مرکز صحت ونڄݨا چاہیدے ۔وݙے ہسپتالاں تے مریضاں دا ٻوجھ ݙینھ و ݙینھ ودھدا پئے ۔پاکستان اچ کہیں وی مریض دا یونیورسل میڈیکل ریکارڈ کائنی اے۔ جدید ٹیکنالوجی توں استفادہ کریندے ون پیشنٹ ون آئی ڈی دا نظام متعارف کرویندے پئن ۔ انہاں مریض کنے ھک منفرد ID یعنی ھک ایم آر نمبر ہووے ۔ ون پیشنٹ ون آئی ڈی دی بدولت پورے پاکستان اچ کہیں جاہ تے وی ویلھے مریض دے میڈیکل ریکارڈ ??ی رسائی ممکن تھیسی ۔ ایں موقع تے شزا فاطمہ آکھیے وزارت آئی ٹی صحت دے شعبے اچ آئی ٹی دے استعمال دے ودھارے سانڳے مکمل تعاون کریسی۔
.jpg)
.jpg)
