اسلام آباد (اے پی پی)وفاقی وزیر آئی ٹی شزہ فاطمہ خواجہ یقین ݙیوائے جو حکومت سست انٹرنیٹ سروس تے حائل رکاوٹاں مکاوݨ کیتے پی ٹی سی ایل تے بین الاقوامی شراکت داراں نال رل تے کم کریندی پئی اے چھل توں متاثرہ علاقیں اچ وی انٹرنیٹ کنیکٹوٹی یقینی بݨائی ویسے۔ انٹرویو دے دوران شزہ فاطمہ خواجہ قوم کوں یقین ݙیوایا جو حکومت ملک دے صارفین دی سہولت کیتے انٹرنیٹ دے مسئلیں کوں حل کرݨ کیتے کم کریندی پئی اے ۔ انہاں آکھیا جو حکومت، پی ٹی سی ایل تے عالمی ٹیکنالوجی پارٹنرز نال رل تے سست انٹرنیٹ سروسز تے موبائل فون سروس اچ رکاوٹاں کوں وقتی ختم کرݨ کیتے پرعزم اے۔ انہاں ݙسیا جو تکنیکی ٹیماں 24 گھنٹے کم کریندیاں پئن تاں جو رکاوٹاں دی وجوہات پتہ کر تے انہاں کوں ٹھیک کیتا ونڄے۔ حکومت متبادل حل تے بیک اپ سسٹم تے وی کم کریندی پئی اے تاں جو مستقبل اچ ایجھی بندشاں کوں روکیا تے سروس بہتر بݨائی ونڄے۔ انہاں شہریاں کوں آوݨ آلی اوکھ دا اعتراف کریندے یقین ݙیوایا جو تکھے بحالی دی کوششاں جاری ہن۔ چھل متاثرہ علاقیاں بارے وفاقی وزیر خصوصی طور تے آکھیا جو حکومت انہاں علاقیں اچ انٹرنیٹ دی سہولت کوں ترجیح ݙیندی پئی اے جتھاں اڄوکی قدرتی آفتاں پاروں رابطے متاثر تھئن ۔ متاثرہ علاقیں اچ بیک اپ انٹرنیٹ دی صلاحیت وی چالو کرݙتی گئی اے تاں جو رکاوٹاں گھٹ توں گھٹ کیتیاں ڳئن تے کمیونٹیز کوں آپت اچ جوڑیا ونڄے ۔ انہاں آکھیا جو حکومت دی ترجیح ہر شہری کوں 5G انٹرنیٹ دی سہولت ݙیوݨ اے۔
