اسلام آباد۔24ستمبر(اے پی پی) وزیراعظم دے معاون خصوصی صنعت و پیداوار ہارون اختر خان آکھیے جو پاکستان وچ ادویہ سازی دی صنعت 25 کروڑ عوام دی صحت تے فلاح کیتے کلیدی کردار ادا کریندی پئی اے۔ پاکستان دی فارما برآمدات 457 ملین ڈالر تے پڄ ڳئن جیڑھی ݙو ݙھاکیں اچ صنعت دی ساریں توں وݙی کامیابی اے۔او اٹھویں پاکستان فارما سمٹ تے فارما ایکسپورٹ ایوارڈز دی تقریب وچ مہمان خصوصی دے طور تے خطاب کریندے انہاں اے ڳالھ آکھی ۔ معاون خصوصی آپݨے کلیدی خطاب وچ آکھیے جو صنعتی پالیسی تے ریگولیٹری اصلاحات پاکستان دے معاشی مستقبل دی بنیاد ہن تے ایں حوالے نال بھرپور اقدامات کیتے ویندے پئن۔پاکستان وچ ادویہ سازی دی صنعت دے کردار دی تعریف کریندے انہاں آکھیے جو پاکستان فارما انڈسٹری 25 کروڑ عوام دی صحت تے فلاح کیتے کلیدی کردار ادا کریندی پئی اے۔ فارما انڈسٹری دے برآمد کنندگان پاکستان دے سفیر ہن۔ انہاں آکھیے جو پاکستان دی فارما برآمدات 457 ملین ڈالر تے پڄ ڳئن جیڑھی ݙو ݙھاکیں وچ صنعت دی ساریں توں وݙی کامیابی اے۔انہاں آکھیے جو حکومت فارما انڈسٹری دے نال اے تے ایں صنعت کوں ساریاں ممکنہ سہولتاں ݙیوݨ کیتے پہلے وی اقدامات کیتے ڳئن تے مستقبل وچ وی اے سلسلہ جاری رہسی۔ انہاں آکھیے جو حکومتی پالیسیاں دا مقصد ادویہ سازی دی صنعت کوں مضبوط بݨاوݨ تے عوام کیتے سستی تے معیاری دوائیں دی فراہمی اے۔انہاں سمٹ دے انعقاد دی تعریف کریندے آکھیے جو بین الاقوامی ماہرین دی ش??کت نال پاکستان دی فارما انڈسٹری دی شراکت داری مزید مضبوط تھیسی۔ہارون اختر خان آکھیے جو پاکستانی فارما انڈسٹری کوں عا??می معیار اپݨاوݨ دی لوڑھ اے، پاکستان عا??می ہیلتھ کیئر مارکیٹ وچ نمایاں مقام حاصل کرسڳدے۔ معاون خصوصی ایکسپورٹ ایوارڈزجتݨ آلیں کوں مبارخ ݙتی تے آکھیے جو پاکستان فارما انڈسٹری دنیا وچ پاکستان دا مثبت چہرہ اجاگر کریندی پئی اے۔سمٹ وچ ݙسایا ڳیا جو پاکستانی ادویہ سازی دی صنعت دی برآمدات و?? 34 ??یصد ودھارا تھئے تے اے شعبہ تکھے ترقی کریندا پئے ۔ سمٹ دے دوران فارما ایکسپورٹ ایوارڈز وچ سرفہرست 50 برآمد کنندگان کوں ایوارڈ ݙتے ڳئن۔
.jpg)
